Urang Pintar
KADA handak tatinggal lawan nang ngarannya Pilkada, di gang wadah Palui bagana pacangan ada jua pamilu gasan mamilih Katua RT. Sudah ada 5 
ikung calun nang mandaptar. Tamasuk jua H. Anjang, katua RT wayah ini nang satumat lagi habis jabatannya, umpat jua basurung mancalunakan diri pulang.
Samunyaan warga sudah didata, supaya hak pilihnya kada hilang. Asing-asingnya calun katua RT bakampaye, maambil hati warga, supaya hakun mamilih sidin. Napa haja digawi buhannya, supaya kawa manang.
"Kanapa ikam kada umpatan mandaptar jua, Lui?" ujar Garbus wayah takumpul di warung bini Palui.
"Hi ih, Lui ai. Aku yakin banar, pasti ikam kawa mangalahakan calun nang
lain." Tulamak umpat jua manambahi.
"Banaran napa ujar Tulamak tadi, Lui ai," sahut Garbus. "Samuaan kanal lawan ikam. Utak ikam pintar haja. Wan jua, ikam urangnya kada culas, kada cakah. Pasti RT kita kawa maju pada wayah ini," ujar Garbus lagi pina mamuji banar.
"Kada usah maambung, Bus ai," ujar Palui sakali manyahuti. "Maatur anak bini haja masih baluman ruus, dimapa handak maatur urang banyak? Pacangan camuh tu pang kalu urang mamilih aku."
"Samalam ada saikung calun nang mandatangi aku. Sidin handak minta bawa ka wadah urang pintar, supaya kawa tapilih jadi katua RT," ujar Tulamak bakisah.
"Lalu, ikam bawa kamana, Mak?" ujar Palui handak tahu.
"Ku tuduhakan ai rumah si Utar, Lui ai. Ku dangar, wayah ini inya jadi urang pintar."
"Mangaradau ikam ni, Mak ai," lakas Garbus mamagat pandir Tulamak.
"Hau.. Napa maksud ikam, Bus?" Tulamak batakun pina takarujut dahinya.
"Bahari aku sawat sakalas lawan si Utar naitu. Rancak banar inya kada naik. Di SD haja sawat 10 tahun hanyar kawa tamat, marga kada pati bisa baca-tulis. Apalagi kalu disuruh barikin, pasti paling uncit tarus. Bilang liwar banar
tu pang pambabalnya. Urang nang kaya itu lah nang ikam sambat pintar, Mak?" mancarucus Garbus bapandir kaya tiung tamakan lumbuk.
"Ini nang bungul siapa, nang tambuk siapa?" ujarnya Palui bingung saurangan. "Nang di maksud urang pintar tu, Bus ai, lainan pintar di sakulahan. Tapi urang nang pintar pananambaan alias dukun," ujar Palui mambujurakan.
"Oooo. lainan pintarnya kah sakalinya?!" ujar Garbus sambil garu-garu kapala.
"Wuuu....! " ujar Tulamak manunjul awak Garbus
"Kanapa ikam kada umpatan mandaptar jua, Lui?" ujar Garbus wayah takumpul di warung bini Palui.
"Hi ih, Lui ai. Aku yakin banar, pasti ikam kawa mangalahakan calun nang
lain." Tulamak umpat jua manambahi.
"Banaran napa ujar Tulamak tadi, Lui ai," sahut Garbus. "Samuaan kanal lawan ikam. Utak ikam pintar haja. Wan jua, ikam urangnya kada culas, kada cakah. Pasti RT kita kawa maju pada wayah ini," ujar Garbus lagi pina mamuji banar.
"Kada usah maambung, Bus ai," ujar Palui sakali manyahuti. "Maatur anak bini haja masih baluman ruus, dimapa handak maatur urang banyak? Pacangan camuh tu pang kalu urang mamilih aku."
"Samalam ada saikung calun nang mandatangi aku. Sidin handak minta bawa ka wadah urang pintar, supaya kawa tapilih jadi katua RT," ujar Tulamak bakisah.
"Lalu, ikam bawa kamana, Mak?" ujar Palui handak tahu.
"Ku tuduhakan ai rumah si Utar, Lui ai. Ku dangar, wayah ini inya jadi urang pintar."
"Mangaradau ikam ni, Mak ai," lakas Garbus mamagat pandir Tulamak.
"Hau.. Napa maksud ikam, Bus?" Tulamak batakun pina takarujut dahinya.
"Bahari aku sawat sakalas lawan si Utar naitu. Rancak banar inya kada naik. Di SD haja sawat 10 tahun hanyar kawa tamat, marga kada pati bisa baca-tulis. Apalagi kalu disuruh barikin, pasti paling uncit tarus. Bilang liwar banar
tu pang pambabalnya. Urang nang kaya itu lah nang ikam sambat pintar, Mak?" mancarucus Garbus bapandir kaya tiung tamakan lumbuk.
"Ini nang bungul siapa, nang tambuk siapa?" ujarnya Palui bingung saurangan. "Nang di maksud urang pintar tu, Bus ai, lainan pintar di sakulahan. Tapi urang nang pintar pananambaan alias dukun," ujar Palui mambujurakan.
"Oooo. lainan pintarnya kah sakalinya?!" ujar Garbus sambil garu-garu kapala.
"Wuuu....! " ujar Tulamak manunjul awak Garbus
0 komentar:
Posting Komentar